ODA Property

დიახ, საქართველოში ქონების შეძენა ნებისმიერი ქვეყნის მოქალაქეს შეუძლია, ამ მიმართულებით შეზღუდვები არ არის დაწესებული. ქონების შეძენის სიმარტივის მხრივ საქართველო შედის  მსოფლიოს  ათეულში და უცხო ქვეყნის მოქალაქე სარგებლობს იგივე პირობებით, როგორც  საქართველოს მოქალაქე.

დიახ, უცხოელებს შეუძლიათ მიმართონ ბანკებს იპოთეკური სესხისთვის. ის შეიძლება გამოყენებული იქნას, როგორც მზა ქონებაზე, ასევე მშენებარე  პროექტებზე.

საქართველოში უვიზოდ მიმოსვლა მსოფლიოს 96 ქვეყნის მოქალაქეს შეუძლია, რომელთა შორის არიან აშშ, ევროკავშირისა და არაბეთის ქვეყნები, ისრაელი და მრავალი სხვა. იმ ქვეყნის მოქალაქეები ვინც არ არის სიაში, ტურისტული ვიზის მიღება შესაძლებელია გამარტივებული წესებით.

საქართველოში უძრავი ქონების ჩაბარების რამდენიმე კონდიცია არსებობს.

შავი კარკასი - ეს არის ცარიელი ბინა ბეტონის იატაკითა და ჭერით, გარე კონტურული კედლებით, შესასვლელი კარითა და ფანჯრებით.

თეთრი კარკასი - ძირითადი სამუშაოები განხორცილებულია. კონკრეტულად, კედლების შელესვა, გაჯით დამუშავება, გათბობის მილების მონტაჟი, ელექტრო გაყვანილობისა და სანტექნიკის მოწყობა.

სრული რემონტი - სრულად გარემონტებული ბინა ავეჯითა და ტექნიკით.

საქართველოში უცხო ქვეყნის მოქალაქეებისთვის არ არსებობს ნასყიდობის ან ქონების გადასახადი. ქონების შეძენისას მყიდველი  საჯარო რეესტრში ერთჯერადად იხდის რეგისტრაციის საფასურს, 75 ლარის ოდენობით.   საჭიროების შემთხვევაში, მყიდველს  ქონების საკუთრებაში რეგისტრაცია იმავე დღეს შეუძლია.

უძრავი ქონება იბეგრება მხოლოდ ორ შემთხვევაში:

 5%-  საშემოსავლო გადასახადით (თუ თქვენი ქონება გაქირავებულია)

 20%- მოგების გადასახადით (თუ ქონების შეძენიდან არ არის გასული 2 წელი  და  ნასყიდობის ფასი პირვანდელზე მეტია)